“Бетіне былш еткіздім”: Ұланғасыр Қамиев ән авторымен ұрсысып қалғанын айтты

Отандық танымал әнші Ұланғасыр Қамиев көпшілікке бұрыннан таныс ана туралы әнін не себепті орындамай кеткенін түсіндірді, деп хабарлайды POLITICO.KZ Azattyq Rýhy сайтына сілтеме жасап. 

Бұл туралы ол Jibek Joly телеарнасындағы «Бүгін.Live» бағдарламасына берген сұхбатында айтты.

Ұланғасырдың айтуынша, мәселе авторлық құқыққа қатысты келіспеушіліктен туған. Ән авторымен араздасып қалғаннан кейін, ол бұл әнді айтпау туралы шешім қабылдаған.

«Ана туралы ән бар еді. Кейін концертте әннің авторын айтпай кеткенмін. Жазылып тұр ғой. Сол үшін ренжіген болу керек. Дөрекі сөз айтыпты деп естідім. Мен де «әнің өзіңе» деп, қайтарып бердім. Бетіне былш еткіздім. Содан кейін бұл әнді айтпай кеттім», – деді әнші.