Блогер Мұрат Әбділдә бостандыққа шығатын болды

Блогер Мұрат Әбділдә бостандыққа шығады, деп хабарлайды Massaget.kz тілшісі. Бұл туралы заңгер Молдахан Әділетхан әлеуметтік желідегі парақшасында хабарлады. Заңгердің сөзінше, соттың қаулысы 15 күннің ішінде күшіне енеді. Айта кетейік, блогер Шымкенттегі 167/3 жалпы режиміндегі колонияда жазасын өтеп жатыр. Ол Instagram-дағы даулы жазбалары мен әнінің салдарынан "әлеуметтік, ұлттық, рулық, нәсілдік, тектік-топтық немесе діни алауыздықты қоздырғаны үшін" 4,5 жылға бас бостандығынан айырылған.