Бокстан Қазақстан чемпионатында інісі ағасына жолын берді

Қарағандыда өтіп жатқан ел чемпионатында +92 келі салмақтағы финалдық жекпе-жек өтпейтін болды, деп хабарлайды msports.kz сайты.

Финалға ағайынды Нұрлан Сапарбай мен Даниал Сапарбай шыққан болатын. Інісі Даниал ағасы Нұрланға жолын беріп, күміс жүлдені қанағат тұтты.

Бұған дейін де екеуі екі рет финалға шыққан. Ол кездері ағасы інісіне жолын берген екен.