БҚО-да полиция қызметкері асылып қалды

Батыс Қазақстан облысының Бәйтерек ауданына қарасты Достық ауылында полиция қызметкері асылып қалған күйінде табылды, деп хабарлайды POLITICO.KZ. 

Ауыл тұрғындарының айтуынша, қайғылы оқиға 21 маусымда болған. 22 жастағы тәртіп сақшысы өз үйінің ауласында өмірімен қош айтысқан. Ол 23 маусым күні жерленген.

Бұл жайтты Достық ауылдық округінің әкімі Әбубәкір Төлеуов растады.

БҚО полиция департаменті баспасөз қызметінің мәліметінше, аталған дерек бойынша қылмыстық іс қозғалды. Қазіргі таңда оқиғаның нақты себептері мен мән-жайы анықталуда.

Айта кетейік, бұған дейін де Батыс Қазақстан облысында прокуратура қызметкері өз-өзіне қол жұмсаған еді.