«Бұл – тілді қорлау, көрерменді сыйламау»: Шоу жүргізген Мөлдір Мұқанова жұртқа жақпай қалды (ВИДЕО)

Әлеуметтік желіде белсенді журналист Кәмшат Тасболат тікелей эфирде «Алтын ханым» жобасын жүргізген Мөлдір Мұқанованы сынай жөнелді, деп хабарлайды POLITICO.KZ.

Медиа маманы бұл туралы әлеуметтік желідегі парақшасында жазба жариялады.

«Қазақстанда журналистика өлді дей беріңіз… Бір кәсіби журналист табылмағаны ма? Бұл – тілді қорлау, көрерменді сыйламау, журналистикадай адал кәсіпті мазақ ету… Этикет деген болуы керек. Қолыңнан келмей ме, өзің көтере алмайтын жүкті мойныңа алма. «Әй, жүргізе салам» деп, тиктокта құйрығыңды бұлғаңдатып билегендей оңай болып шықпайды. Кәсіби деңгейде бағдарлама жүргізу үшін журналист 4-5 жыл журфакта оқиды. «Пәленшенің қатыны» деген мамандық емес», — деп жазды журналист.

#журналистика #тікелей эфир #Тұрсынбек Қабатов #шоубизнес