Бүлдіршінді өлтіріп қоя жаздаған: балабақшаның ақысы 2 млн теңгеге жуықтайды

Алматыда бүлдіршінді тұншықтырып, өлтіріп қоя жаздаған балабақша ата-аналардан жылына 2 млн теңгеге жуық ақша алып отырғаны анықталды.

Балабақшаның жылдық ақысы туралы танымал тележүргізуші Динара Сәтжан жазды.

«Балабақшаның жылдық ақысы 1,8 млн теңгені құрайды», - деп жазды Динара Сәтжан.

Айта кетейік, балабақшадағы былық бүгін белгілі болды. Ата-аналардың бірі балабақша камерасына түскен видеоны жариялап, жұртты шошытты.

«Алла сақтасын! Тасжүрек тәрбиеші жазалану керек», «Балабақша лицензиясынан айырылсын, барлығы жазасын алсын! Халал балабақша дейді ғой, дінді жамылып, адам еместер», «Қаным басыма шауып отыр. Ар жағында көріп үндемей отырған апайлардың бәрі де жазалансын», - деп жазды желі қолданушылары.

Ақпарат Azattyq Rýhy сайтынан алынды.