«Дауысы бар, бағы жанбай жүр»: Қайрат Түнтековке желі қолданушылары жаппай қолдау білдіріп жатыр

Әлеуметтік желіде белгілі әнші Қайрат Түнтековтың мейрамханалардың бірінде ән орындап тұрған видеосы таралып, көпшіліктің ықыласына бөленді, деп хабарлайды Politico.kz

Кадрлардан өнер иесінің тыңдармандар алдында жанды дауыста ән шырқап тұрғанын көруге болады. Бұл бейне желіде жылдам тарап, қазақстандықтар әншінің вокалдық мүмкіндігін жоғары бағалады.

Желі қолданушылары Қайрат Түнтековтың сахнада сирек көрінуіне алаңдап, оны қолдайтын пікірлерін жарыса жазуда.

Пікір қалдырғандар:

«Нағыз талант осы»,
«Талант бар, бірақ таныссыз жүрген заман»,
«Осы жерде тұрғандар қолдау көрсетіп, демеуші болса ғой»,
«Халық қолдап тұрғанда, сахнаға қайта оралуы керек» — деп жазды.

Көпшілік өнер иесінің дауысы әлі де өз күшін жоғалтпағанын айтып, оның үлкен сахнаға қайта оралуын тілеп отыр.