Депутат Ермұрат Бәпи: «Президентті ешкім тілінен тартқан жоқ»

Мәжіліс депутаты Ермұрат Бәпи Президент Тоқаевтың бір палаталы Парламентке көшу туралы бастамасына қатысты пікір білдірді, деп хабарлайды BES.media.

Депутат бүкіл Қазақстан қоғамына арнаған депутаттық сауалында бұл бастаманы Мемлекет басшысының өз еркімен жасаған қадамы екенін баса айтты.

«Оны ешкім мәжбүрлеген жоқ. Қарапайым тілмен айтқанда, оны ешкім тілінен тартқан жоқ. Мұны елдегі өзгерістерге деген ұмтылыстың белгісі, шын мәнінде Жаңа Қазақстанды құрудың дәлелі ретінде қабылдау керек. Мен 30 жылға жуық саясатта жүрген адам ретінде бұл реформаны Парламентті нақты саяси күшке айналдыруға бағытталған бастама деп қабылдаймын», – деді Ермұрат Бәпи.

Еске сала кетсек, Президент бір жылдан астам уақыт қоғамдық талқылау өткізіп, 2027 жылы жалпыұлттық референдумға шығаруды ұсынған болатын.

#депутат #Ермұрат Бәпи