«Димашик»: Игорь Крутой Димаш Құдайбергенді ерекше құттықтады

Ресейлік композитор Игорь Крутой қазақстандық әнші Димаш Құдайбергенді АҚШ пен Мексикада өткен концерттерімен құттықтады, деп хабарлайды POLITICO.KZ.
71 жастағы музыкант өз Instagram парақшасында жаңа шығармасынан үзінді жариялады. Пост астында Димаш Құдайберген де әсер қалдырды. Бұған жауап ретінде композитор жылы лебізін білдіріп, әріптесін ерекше құттықтады.

«Құттықтаймын, Димашик, аншлагтарыңмен!» - деп жазды Игорь Крутой.

Айта кетейік, жуырда Димаш Құдайберген Нью-Йорктегі әйгілі Madison Square Garden аренасында аншлагпен өнер көрсетіп, сондай-ақ Мехикода екі рет лық толы залмен концерт берді.