Дорамадан Назарбаевтың егізі табылды

Әлеуметтік желіде оңтүстіккореялық актер Сон Бён Хо мен Қазақстанның тұңғыш президенті Нұрсұлтан Назарбаевтың сыртқы ұқсастығы қызу талқыланып жатыр, деп хабарлайды Politico.kz порталы ZTB.KZ басылымына сілтеме жасап.

Көпшілік «Я не робот» дорамасындағы кейіпкердің бойынан бұрынғы мемлекет басшысының таныс белгілерін байқаған. Желі қолданушылары фильмнен үзінділер жариялап, актердің мимикасы мен көзқарасы және жүз пішіні Назарбаевтың әр жылдардағы бейнесіне келетінін жарыса жазды. Пікір білдірушілердің бір тобы мұны сәтті түсірілген ракурс әсері деп санаса, енді бірі оны тұңғыш президенттің «кореялық егізіне» теңеп үлгерді.

Қазнетте танымалдылыққа ие болған Сон Бён Хо 1962 жылы дүниеге келген және «18 мамыр», «Файлан» фильмдерімен қатар «Судья Ли Хан Ён», «Сиқырланған сарай», «Біздің жалынды жастығымыз» сериалдары арқылы танымал. Айта кетейік, Қазақстанның тұңғыш президенті Нұрсұлтан Назарбаев қазір 85 жаста және зейнет демалысында жүр.

Посмотреть эту публикацию в Instagram

Публикация от Сетевое издание «ZTB.KZ» (@ztb_kz)

Нұрсұлтан Назарбаев Сон Бён Хо Қоғам Әлеуметтік желі

Дорамадан Назарбаевтың егізі табылды

Соңғы жаңалықтар