«Егіздер бой жетіпті»: Кенжебектің қыздары желіні жарды

«МузАрт» тобының мүшесі, танымал әнші Кенжебек Жанәбіловтың қыздары әлеуметтік желіде көпшіліктің ыстық ықыласына бөленді. Өнер иесі қыздарымен бірге түскен бейнежазбаны желіге жүктеп, оқырмандарын қуантты, деп хабарлайды Politico.kz

Видеода бойжетіп қалған егіз қыздардың сымбаты мен табиғи сұлулығы бірден көзге түседі. Әкесімен еркін әрі жарасымды қарым-қатынаста түскен кадрлар желі қолданушыларының жүрегін елжіретті.

Желі оқырмандары отбасының береке-бірлігін ерекше атап өтіп, жылы лебіздерін жаудырды.

«Отбасы жарастығын үлгі етіп көрсетіп жүрсіздер», «Әкелеріне тартқан сұлу екен», «Егіздер бой жетіпті ғой», «Ата-анаңыздың көз қуанышы болыңдар» — деп жазды олар.

Кенжебек Жанәбіловтың отбасылық құндылықтарды алдыңғы орынға қоятын сәттері көпшілікке үлгі болып келеді. Ал бойжетіп қалған қыздары әкесінің ғана емес, елдің де мақтанышына айналып үлгергендей.

би егіздер Кенжебек Жанәбілов