Енді үйлену тойына 200-ден артық адам шақыруға болмайды: заң күшіне енді

Өзбекстан үкіметі үйлену тойларына қатысты жаңа шектеулерді ресми түрде бекітті. Енді тойға 200 адамнан артық қонақ шақыруға болмайды. Бұл туралы Lex.uz порталы мәлімдеді.

Құжатта көрсетілгендей, үйлену тойларына 200 адам, ал дәстүрлі палау ас мәзіріне 250 адамға дейін ғана қатысуға рұқсат етіледі. Егер той қосарланған түрде өткізілсе немесе екі палау рәсімі ұйымдастырылса, қонақтар саны тиісінше 250 және 300 адамнан аспауы тиіс.

Сонымен қатар, үкімет қаулысында отбасыларға қаржылық ауыртпалық түсіретін дәстүрлерге, соның ішінде ақша мен маталар таратуға тыйым салынған. Бұл шаралар халық арасында тойға байланысты орынсыз шығындардың алдын алу мақсатында қолға алынып отыр.

Аталған шектеулер "Рационалды тұтыну" бағдарламасы аясында енгізілген. Бағдарлама той-томалақтарды реттеу арқылы азық-түлік сапасын арттыру және тұрғындардың тұрмыс деңгейін көтеруді көздейді.