Ер адам жүкті кезінде салмақ қосқаны үшін әйелін өлтірді

АҚШ-та 25 жастағы Джонатан Рентерия жүкті кезінде салмақ қосқан және босанғаннан кейін арықтай алмаған әйелі Джун Баньянды өлтіргені үшін ұсталды.

Лос-Анджелестегі пәтерінен 37 жастағы әйелдің денесі табылған. Сарапшылар оның мойын жарақаттарынан көз жұмғанын анықтады. Көршілері Джунды мейірімді, бірақ некесінде бақытсыз адам деп сипаттады.

Джун Баньян Шотландиядан Лос-Анджелеске заңгер мамандығын жалғастыру үшін көшіп келген. Ерлі-зайыптылардың жақында қызы дүниеге келген. Босанғаннан кейінгі салмақ жиі жанжалға себеп болған.

Қазір Рентерия 4 миллион доллар кепілмен қамауда отыр. Сот отырысы 2025 жылдың 18 қарашасында өтеді.