Ерке Есмахан 40 жасына күйеуі не сыйлағанын көрсетіп, жұртты таң қалдырды

Қазақстандық танымал әнші Ерке Есмахан туған күні қарсаңында жолдасы өзіне не сыйлағанын көрсетті. Өнер иесі 40 жасын тойламайтын болған соң, күйеуі қалағанын әперуге уәде берген. Ерке Есмахан күйеуі Райымның туған күніне не сыйлағанын Instagram-дағы парақшасында көрсетті. Хитмен келіншегіне Chopard, Van Cleef, Graff, Bulgari сынды қымбат брендттерден сыйлық тарту еткен. Оған қоса Ерке Есмахан бұл сыйлардың соңы емес екенін жеткізді. Өнер иесі туған күніне дейін 15 күн бар екенін алға тартып, сол уақытта сыйлықтарын тағы да толықтырмақ екенін айтты. "Туған күнімді тойламайтын болған соң, күйеуім қалағаныңды әперем деді. Сөйтіп ол бір ай концертке дайындалған кезде мен бір ай бойы өзіме сыйлық алумен болдым. Тапқанымды Алматыдан алдым, таппағанымды шетелден алдырдым. Бұл соңы емес деп отырмын. Туған күнге әлі 15 күн бар. Әлі де толықтырып алайын. Сосын бәрін ашып көрсетемін. Жұғысты болсын", - деп жазды Ерке Есмахан. Айта кетейік, бұған дейін Ерке Есмахан өзінің және ұлының туған күнін тойламайтынын айтты. Алайда күйеуі екеуі жазда барлық қуанышын біріктіріп, үлкен той жасайтынын жеткізді.