Ерлі-зайыпты балгердің арқасында 926 млн теңге ұтып алды

Малайзияның Пенанг штатында тұратын ерлі-зайыпты лотереядан 8,1 миллион ринггит, шамамен 926 миллион теңге ұтып алды. Оларға мұндай сәттілікке жетуге балгер әйел көмектескен, деп хабарлайды Politico.kz.

Mothership басылымының хабарлауынша, Эйр-Итам қаласының тұрғындары қытайлық көріпкелдің ақылына сүйенген. Көріпкел оларға өз өмірлерімен тығыз байланысты сандарды таңдауды ұсыныпты. Осыдан соң ерлі-зайыпты жеке куәліктеріндегі цифрларды белгілеп, көп ұзамай миллионер атанғандарын білген.

Отағасы мұндай ірі ұтысқа бірден сенбей, нәтижені арнайы қосымшадан бірнеше рет тексергенін, тіпті мұны түс деп ойлап қалғанын айтады.

Ер адам кенеттен келген байлыққа қарамастан, есепші қызметін тастамайтынын білдірді. Ал оның жұбайы зейнетке шығуды жоспарлап отыр. Ерлі-зайыпты ұтыс қаражатының бір бөлігімен қарыздарын жауып, қалғанына көптен бері армандап жүрген үлкен саяхатқа жұмсамақ.

балгер лоторея малайзия Пенанг Қытай

Ерлі-зайыпты балгердің арқасында 926 млн теңге ұтып алды

Соңғы жаңалықтар