Ішкі істер министрлігінің бұрынғы орынбасары жаңа қызметке келді

Айдос Рысбаев Көлік полициясы департаментінің басшысы болып тағайындалды

Оны жеке құрамға Ішкі істер министрінің орынбасары, полиция генерал-майоры Айдар Сайтбеков таныстырды. Ол департаменттің теміржол және әуе көліктерінде қауіпсіздікті қамтамасыз етудегі маңыздылығын атап өтті, деп хабарлайды POLITICO.KZ.

Ведомствоның хабарлауынша, Айдос Рысбаевтың басқару саласында айтарлықтай тәжірибесі бар. Бұған дейін ол Ішкі істер министрінің орынбасары қызметін атқарған және жаңа қызметінде тиімді жұмыс істеуге қажетті қасиеттерге ие.

Айдос Рысбаевтың өмірбаянына тоқталсақ:

1974 жылы 11 наурызда Ақмола облысында дүниеге келген.
1996 жылы Ақмола университетін, 2005 жылы Қарағанды ІІМ заң институтын бітірген.
1998-2003 жылдары Астана қаласы ҚІІБ криминалдық полициясында қызмет етті.
2005-2016 жылдары Астана полиция департаментінде түрлі басшылық қызметтер атқарды.
2019-2022 жылдары Астана полиция департаменті бастығының орынбасары.
2022-2023 жылдары ІІМ криминалдық полиция департаментінің бастығы.

Айта кетейік, 2023 жылдың қазан айында Президент Қасым-Жомарт Тоқаев Ішкі істер министрлігінің басшылығында кадрлық ауыс-түйіс жасап, Айдос Рысбаевты министрдің орынбасары лауазымынан босатқан болатын.

Ақпарат NUR.KZ сайтынан алынған.

Ішкі істер министрлігі