Кәріз құдығына құлаған ер адам үш күннен бері табылмай жатыр

Баку қаласында жаяу жүргінші ашық қалған кәріз құдығына құлап кеткен.

Бұл туралы Qaynarinfo жазды.

Оқиға Нариманов ауданы, "Баксоль" деген атаумен белгілі жол бойында орын алған. Қазіргі таңда Төтенше жағдайлар министрлігінің мамандары мен тиісті қызмет өкілдері іздестіру-құтқару жұмыстарына жұмылдырылған.

Алайда, оқиға орын алғанына үш күн өтсе де, із-түссіз жоғалған азамат әлі табылған жоқ. Іздестіру жұмыстары жалғасуда.