Каспийде мерт болған әскеридің бірі белгілі самбошы болып шықты

Маңғыстау облысындағы әскери оқу-жаттығу кезінде Каспий теңізіне ағып кетіп, қаза тапқан сарбаздардың бірі — танымал спортшы Сержан Аяпберген екені белгілі болды, деп хабарлайды Politico.kz.

Ол самбодан Қазақстан чемпионатының жүлдегері, ТМД деңгейіндегі студенттер арасындағы жарыстардың жеңімпазы әрі дзюдодан республикалық және халықаралық турнирлердің тұрақты қатысушысы болған.

«Маңғыстаудың спорт қауымдастығы үшін Сержан Аяпберген тек Каспийде қаза тапқан әскери қызметшілердің бірі болып қана қалмайды. Ол бала кезінен татамиге шығып, өз өңірінің намысын қорғады, медальдар жеңіп алып, спортта өзіндік даңғыл жолын қалыптастырған еді», — делінген ақпаратта.

Қыршын кеткен спортшы әрі сарбаздың қазасы жерлестері мен спорт сүйер қауымның қабырғасын қайыстырып, оның мезгілсіз өлімі бүкіл елдің жүрегіне ауыр тиді.

Кісі өлімі Маңғыстау облысы Сарбаз Спортшы

Каспийде мерт болған әскеридің бірі белгілі самбошы болып шықты

Соңғы жаңалықтар