Көршісінен қызғанған ер адам әйелін оқтаумен ұрып өлтірді

Tверь қаласында 41 жастағы Александр есімді ер адам қызғаныштан әйелін өлтірді.

Оған әйелі көршісімен сөйлесіп, көңілдес болып кетті деген күдік түрткі болған. Бұл туралы SHOT басылымы хабарлады.

Өткен бейсенбіде Александр 40 жастағы әйелі Аннаға көршісімен әңгімелескенін қызғанып, дау шығарған. Әйелі барлық айыптауларды жоққа шығарса да, ер адам оны тыңдамады. Қызғаныштың жетегіне ерген ол ашуға мініп, ас үйдегі скалканы алып, әйелінің басынан ұрып құлатқан. Әйелі әлі тірі болғанда, ер адам оны жастықпен тұншықтырып өлтірген.

Содан кейін өзі полицияға хабарласып, қылмысын мойындады.

Қайғылы оқиғадан кейін үш бала – 4, 10 және 14 жастағы балалар жетім қалды. Қазір ер адамға 20 жылға дейін бас бостандығынан айыру жазасы қаупі төніп тұр.