"Күйеуі атпен сүйреп өлтірген әйел": Руслан Өтепбай жаңа істі қолға алды

Елге танымал журналист Руслан Өтепбай Талдықорғанда болған жантүршігерлік оқиғаны зерттеу үшін арнайы барды, деп хабарлайды POLITICO.KZ sportinside.kz сайтына сілтеме жасап.

Ол қаза тапқан келіншектің анасы әділдік сұрап, көмекке жүгінгенін жеткізді.

"Айзат Жұманова 22 маусым күні көз жұмды. Оқиға Жетісу облысы, Баласаз ауылында орын алған. Марқұмның ата-анасы әділдік іздеп, шырылдап жүр. Олардың айтуынша күйеубала 32 жасар келіншекті азаптап өлтірді деп санайды. Журналистік зерттеумен Жетісу облысына келдім. Үлгеріп жатсам толық шығарылымды бүгін YouTube арнама жүктеймін", – деп жазды Руслан Өтепбай.

Еске сала кетейік, қанды оқиға осы айдың басында орын алды. Күйеуінің қолынан қаза болған келіншектің артында бір қызы қалды.