Мекке мен Мәдина қалаларын су басты

Мекке мен Мәдинаны су басты, деп хабарлайды POLITICO.KZ.

Сауд Арабиясының қасиетті қалалары Мекке мен Мәдинада толассыз жаңбырдан кейін тасқын су басып қалды. Метеорологиялық қызмет елдегі бірнеше қалада, соның ішінде портты Джиддада да қызыл деңгейдегі қауіп жариялады.

Толассыз жауын-шашын салдарынан көшелер өзенге айналып, көптеген көлік тасқын суға батып кетті. Әдетте құрғақ және тасты аймақтарда орналасқан бұл қалалар күтпеген жерден су тасқынына ұшырады.

Қасиетті қалаларда су деңгейінің көтерілуі өмір сүру жағдайын қиындатып, жергілікті билікке төтенше шаралар қабылдауға мәжбүр етті. Қазіргі уақытта құтқару жұмыстары жүргізілуде, ал мамандар су тасқынының салдарын жоюға тырысып жатыр.

Метеорологтардың мәліметінше, алдағы күндері жаңбырдың жалғасу қаупі жоғары. Тұрғындарға үйлерінен шықпауға және қауіпсіздік ережелерін сақтауға кеңес берілді.