Мемлекет басшысы күйші Әбдімомын Желдібаевтың туыстарына көңіл айтты

13 сәуір 2024, 11:24 580

Мемлекет басшысы күйші Әбдімомын Желдібаевтың туыстарына көңіл айтты

Президент Қасым-Жомарт Тоқаев дәулескер күйші, композитор, «Парасат», «Құрмет», «Достық» ордендерінің иегері Әбдімомын Желдібайұлының дүниеден өтуіне байланысты оның отбасы мен жақын туыстарына көңіл айтты, деп хабарлайды Ақорданың баспасөз қызметі.

– Әбдімомын Желдібайұлы киелі күй өнерінің көкжиегін кеңейткен дарын иесі, ұлағатты ұстаз болды. Бар саналы ғұмырын төл мұрамызды насихаттауға арнап, еліміздің мәдениеті мен руханиятын дамытуға айрықша еңбек сіңірді. «Ерке сылқым» сияқты өміршең күйлерімен жұртшылықтың ықыласына бөленді. Өнегелі өмір сүріп, соңына музыкалық мол мұра қалдырған Әбдімомын Желдібайұлының жарқын бейнесі халқымыздың жүрегінде мәңгі сақталады. Марқұмның иманы саламат, жаны жәннатта болсын, – деп жазылған жеделхатта.

Басты ақпарат

Бізді Google-дың негізгі дереккөздер тізіміне қосыңыз

Қосу

Мемлекет басшысы күйші Әбдімомын Желдібаевтың туыстарына көңіл айтты

Соңғы жаңалықтар