“Мен оны сотқа беремін”: Марқұм Айзаттың қайын атасы кімге өшікті?

Алматы облысында болған қайғылы оқиға туралы марқұм Айзаттың қайын атасы пікір білдірді. Журналист Руслан Өтепбайға берген сұхбатында өз шындығын айтты, деп хабарлайды POLITICO.KZ. 

«Атпен сүйреп өлтірді дегені жалған. Соны жариялаған блогерді сотқа беремін. Біз арақ ішпейтін, шылым шекпейтін адамдармыз. Ұлымның да ондайды қолданғанын көрмеппін», — деді ол.

Сондай-ақ, ұлының әділ жаза алуы керек екенін айтты.

«Изоляторға барған жоқпын, мүлдем бармаймын. Қолымен істегенін, мойнымен көтерсін. Үкімет әділ жазасын берсін. Әділ шешсін. Не болғанын Алла біледі. Ешқандай көмектесіп жатқан жоқпын, қорғаушы да жалдаған жоқпын. Өз мойнымен көтерсе, өзі көтерсін. Мен оны ақтамаймын, не деп ақтаймын?», — деді қайын атасы.