Мирас Жүгінісов Алматыдағы стадионда өтетін концертін кейінге қалдырды

Мирас Жүгінісов Алматыдағы стадионда өтетін концертін кейінге қалдырды, деп хабарлайды POLITICO.KZ.

Танымал қазақстандық әнші Мирас Жүгінісов 7 қыркүйекке жоспарланған Алматыдағы Орталық стадионда өтетін үлкен жеке концертінің кейінге шегерілгенін мәлімдеді. Әнші бұл шешімді шоудың дайындығын толыққанды әрі сапалы өткізу үшін қосымша уақыт қажеттігімен түсіндірді. Сатып алынған барлық билеттер жаңа күнге жарамды болады.

Мирас Жүгінісов бұл жаңалықты өзінің Instagram парақшасында жариялап, тыңдармандарына ресми үндеу жолдады.

«Біз бұл жаңалық сіздер үшін күтпеген жағдай болғанын жақсы түсінеміз. Сол себепті әрбір жанкүйерден кешірім сұрай отырып, түсіністікпен қарауларыңызды сұраймыз. Сатып алынған барлық билеттер жаңа күнге жарамды болады. Концерттің нақты өтетін күні жақын арада қосымша хабарланатын болады», – делінген әншінің үндеуінде.