"Мұқтаж жанға бердім". TikTok-тағы тренд көптің жүрегін ауыртты

Әлеуметтік желіде қазақстандықтар жаппай, сүйікті жарының басқа біреумен кетіп қалғанын жазуда. "Мұқтаж жанға бердім" деген тақырыппен таралған трендке үн қосушылар күн сайын артып келеді.

Олардың көбі әйел адамдары екенін байқауға болады. Бірнеше баласымен қалған жас келіншектер күйеулерінің басқа біреудің етегін ұстап кеткенін айтып жатыр.

"Балалардың әкесі қайда деп сұраушылар көп. Бізден де мұқтаж адамдар бар екен" деп жазды тағы бір жан.

Алайда кейбір әзілқой желі қолданушылары "өзіміз мұқтажбыз, жұмыстан қолы тимейді", "әлі ешкімге беретін ойым жоқ" деген сияқты жазбалармен де трендке жақсы жағынан үн қосып жатыр.