"Нақты сұрақпен...": Жұлдыз Әбдікәрімова Түркияға не үшін кеткенін айтты

Қазақстандық танымал актриса Жұлдыз Әбдікәрімова желіде көпшілікті қызықтырған сұраққа жауап беріп, Түркияға не үшін барғанын айтты. Өнер иесі Стамбулға денсаулық мәселесімен келгенін жасырмады. Жұлдыз Әбдікәрімова Instagram-дағы парақшасында сұрақ-жауап ашып, оқырмандарымен сырласты. Қайрат Нұртастың келіншегі Стамбулға қандай мақсатпен келгенін ашып айтты. Өнер иесі бүгінде танымал клиникалардың бірінде жоспарлы тексеріс өтіп жатқанын жеткізді. "Көпшілік "Стамбулға қандай мақсатпен келдіңіз? Іс-сапар ма? Әлде демалыс па?" деп сұрап жатқандар көп екен. Бәріне жауап болсын. Менде жоспарлы тексеріс. Ауырып ем іздегенше, ауырмайтын жол ізде" демейді ме? Мен тексерістің толық нұсқасын өткен жоқпын. Нақты бір сұрақпен келдім", - деп бөлісті актриса.