«Неге сонша жабайылық танытамыз»: желіде Ғазизхан Шекербековтің көзілдірігін алып алған видео тарады

Танымал әнші Ғазизхан Шекербеков әлеуметтік желідегі парақшасында тыңдарманына көзілдірігін сыйға тартқан сәтін жариялады, деп хабарлайды POLITICO.KZ. 
Семейдегі қала күніне арналған мерекелік концертте өнер көрсеткен әнші фанаттарымен суретке түсіп жатқан кезде, бір тыңдарманы: «Очкиіңізді маған беріңізші» деп өтініш жасаған.

«Очки кетті қарындасқа. Семейдің қала күнін осылай тәмамдадық. 6 қарашада Семей қаласында өтетін жеке ән кешіме күтемін», - деп жазды ол.

Қоймай сұраған жас қыздың көңілін қалдырғысы келмеген Ғазизхан көзілдірігін бере салған.
Алайда желі қолданушылары бұл әрекетті ұнатпай, кейбірі қыздың қылығын жабайылыққа теңеді.

«Неге сонша жабайылық танытамыз деймін да, қазағыма», «Сонша жаман очки үшін жалынып не болды», «Біреудің затында не бар сонша? «Берші, берші» деп... Көргенсіздік қой», — деген пікірлер қалдырды желі қолданушылары.