Неймар қазақстандық киберспортшымен кездесті

23 сәуір 2026, 12:49 511

Неймар қазақстандық киберспортшымен кездесті — Данил Голубенко Бразилияда Неймармен жүздесті. Фото: instagram.com/danil.molodoy_

Қазақстандық киберспортшы Данил Голубенко әлемге әйгілі футболшы Неймармен кездесіп бірге түскен суреттерін жариялады, деп хабарлайды Politico.kz.

Counter-Strike 2 ойынынан бразилиялық Furia командасында өнер көрсететін Molodoy лақап атымен танылған Данил Голубенко желіде Сантос пен Бразилия құрамасының танымал ойыншысы Неймар Жуниормен түскен бірнеше суретін жүктеді. Бұл жазбаның астына қазақстандықтар мен бразилиялық қолданушылар көптеген жақсы пікір қалдырған.

Белгілі болғандай футболшы қазақстандық киберспортшының карьерасын көптен бері бақылап жүр. Сәуір айында Голубенко IEM Rio турниріне қатысу үшін Бразилияға барған кезде Неймар өз тегі жазылған жейде киген ойыншының суретін парақшасында бөліскен. Ал өткен күзде FISSURE PLAYGROUND 2 турниріндегі жеңісінен кейін футболшы пікір жазып құрмет білдірген.