Нұрай Серікбай ісі: тергеушінің үстінен қылмыстық іс қозғалды

Шымкент қалалық полиция департаменті марқұм Нұрай Серікбайдың өліміне қатысты істі жүргізген тергеуші Әбілғазы Артықбайдың әрекетіне байланысты қылмыстық іс тіркеді, деп хабарлайды Politico.kz.

Бұған дейін сот барысында марқұмның ағасы Сұлтан Серікбай тергеушіге қатысты бірқатар заңсыздықтарды айтып, шағымданған болатын. Оның сөзінше, қызды ұрлап, мәжбүрлеп тұрмысқа бермек болған жерге барған Артықбай күдікті Шерхан Аймаханның туыстарымен бірге дастархандас болып, шай ішкен әрі бойжеткенге қысым көрсеткен.

Сондай-ақ сот отырысында судья тергеушінің полиция бөлімшесінде Нұрайды жазбаша келісімсіз видеоға түсіріп, аталған бейнежазбаны іс құжаттарына қоспағанын анықтаған еді.

Қазіргі уақытта полиция аталған факт бойынша тергеу амалдарын бастады. Тергеу мүддесіне байланысты өзге мәліметтер жария етілмеді. Ведомство Әбілғазы Артықбайдың қазіргі таңда тергеуші қызметін атқармайтынын нақтылады.

Нұрай Серікбай Сот ісі Тергеуші Қылмыс

Нұрай Серікбай ісі: тергеушінің үстінен қылмыстық іс қозғалды

Соңғы жаңалықтар