«Олар да адам ғой»: қазақстандық миллиардерлердің биі желіні шулатты (ВИДЕО)

Желіде «Forbes» тізіміне енген танымал қазақстандық олигархтардың тойда билеген видеосы тарады, деп хабарлайды Politico.kz.

Видеоны Абай облыстық баскетбол федерациясының президенті Айдос Тансыққожин өзінің әлеуметтік желісіндегі парақшасында жариялаған.

Кадрдан Мұхтар Жәкішов пен Арманжан Байтасовтың билеп жүргенін көруге болады.

Желі қолданушылары оларға түрлі пікір жазды.

«Шіркін-ай, қазақтың нар тұлға жігіттері, жарайсыңдар, 100 жасаңдар, айналайындар», «Бәрінің биі күшті, жарасымды», «Несі бар, жақсы билейді екен. Олар да адам ғой, билесе не бопты? Жеке өмірлері ғо», тамаша билеп жүр», «Арманжан Байтасов інімізде жақсы, орынды билеп жүр. Қазағымның жігіттері аман болсын», деп жазды олар.