Оңтүстік Қазақстанда ауа райына байланысты жолдар жабылуды

"ҚазАвтоЖол" хабарлауынша, Қазақстанның оңтүстік өңірлерінде ауа райының қолайсыздығына байланысты бірқатар жолдарға шектеу енгізілді, деп хабарлайды POLITICO.KZ.

Алматы облысы
7:00-ден бастап республикалық маңызы бар «Алма-Тау демалыс базасына апаратын» автожолдың 0-15 км аралығы, яғни Тұздыбастау ауылынан Бесқайнарға дейінгі учаске жүк және қоғамдық көліктер үшін жабылды.

Жамбыл облысы
9:00-де республикалық маңызы бар «Алматы – Ташкент – Термез» автожолының 534-593 км аралығы, яғни Айша-Бибі ауылынан Түркістан облысының шекарасына дейінгі учаске барлық көлік түрлері үшін жабылды.

Түркістан облысы
9:00-де республикалық маңызы бар «Алматы – Ташкент – Термез» автожолының 593-674 км аралығы, яғни Жамбыл облысының шекарасынан Қарабұлақ ауылына дейінгі учаске барлық көлік түрлері үшін жабылды.

Жүргізушілерге ауа райы болжамдарын қадағалап, шектеу алынғанға дейін жолға шықпауды ескертеміз.