Оралда полиция майоры мас күйде көлік жүргізген

Орал қаласында мас күйде көлік тізгіндеп, жасырынуға тырысқан полиция майоры жүргізуші куәлігінен айырылды, деп хабарлайды POLITICO.KZ.

Ол әріптестеріне бағынбай қасарысқан. Тіпті жасырынуға тырысқан.

Сот полиция майорына жеті жылға жүргізуші куәлігінен айыру және 157 мың теңге айыппұл тағайындады.

«Сондай-ақ сот тәртіптік жауапкершілік мәселесін шешу үшін істің материалдарын полиция департаментіне жіберу туралы шешім шығарды. Әкімшілік кодекс бойынша полиция қызметкерлеріне әкімшілік қамауға алу қолданылмайды, сондықтан олар құқығынан айыру мен айыппұлмен шектелді», соттың баспасөз қызметі.