"Орнымнан тұра алмай қалдым": Баян Алагөзова денсаулығы сыр бергенін айтты

Продюсер Баян Алагөзова біраз уақыт бойы әлеуметтік желіде көрінбей кеткенінің себебін түсіндірді.

Ол денсаулығына байланысты қиындықтар болғанын айтып, шетелден демалыстан оралған соң сырқатынан толық айығып үлгермегенін жеткізді.

Достар, көптен бері эфирге шықпай кеттім. Коронавируспен ауырып қалдым. Он күн бойы орнымнан тұрмай жаттым. Абай болыңыздар, вирус жүр. Шынымды айтсам, бұлай қатты ауырып көрмеппін. Коронавирустың белгісіз түрі сияқты. Өте қиын болды. Бәріміз ауырдық. Түркияда да емделдім. Әлі де әлсіздік бар, – деді продюсер.