«Өзінің бес баласын тастап, біреудің баласын бағып жатыр»: Динара Сәтжан қызының әдемі бөлмесін көрсетті, жұрт күйеуін сынады

Белгілі тележүргізуші Динара Сәтжанның жақын құрбысы, дизайнер Аида Кауменова оның қызының бөлмесін көрсетті, деп хабарлайды POLITICO.KZ.
Жуырда ғана Динара Сәтжан мен оның бизнесмен күйеуі Жұмабек Жанықұлов жаңа қоныстарына туыстары мен достарын шақырған болатын.
Аида Кауменова Динараның жалғыз қызының заманауи жөндеумен жасалған бөлмесін көрсетті. Кең әрі жарық жатын бөлмеде жеке жуынатын бөлме де бар екен.
Алайда, бейнежазбаның астындағы пікірлерде жұрттың көбі Жұмабек Жанықұловтың әрекетін сынға алды. Олардың айтуынша, өз балаларымен тұрмай, өзге әйелдің баласын бағып отыру – ақылға қонбайтын іс.

«Сонда Жұмабек өзінің бес баласын тастап, Динараның екі баласымен тұра ма?», «Өте арзан пиар, мұны көрсетіп не қажет?», «Біреудің отбасын бұзып, сонымен қоймай мақтанып жүр ме?» – деген сынды пікірлер қалдырылған.