Пансионат қызметкерлері қарттарды азаптап, пәтерлерін заңсыз жалға берген

Павлодарда жеке пансионат қызметкерлері қарттарды азаптап, алаяқтық жасады деген күдікке ілінді, деп хабарлайды POLITICO.KZ.

Облыстық прокуратураның мәліметінше, пансионат қызметкерлері 20 қарт адамның конституциялық құқықтарын өрескел бұзған. Олар қарттарды тамақтан шектеу, қозғалыс еркіндігін шектеу және ұрып-соғу сияқты әрекеттерге барған.

Сонымен қатар, қызметкерлер қайтыс болған пансионат тұрғындарының пәтерлерін заңсыз жалға берумен айналысқаны анықталды.

Пансионат қызметкерлеріне қатысты бірнеше қылмыстық іс қозғалды. Тергеу жұмыстарын полиция жүргізуде.