Павлодарда пауэрбанк жарылып, блогер қыз ауыр күйік алды

Павлодар қаласында фитнес-клубтағы жаттығудан кейін жергілікті блогердің сөмкесінде жатқан пауэрбанк жарылып, ол ауыр күйік алды, деп хабарлайды Politico.kz.

Оқиға Павлодар қаласындағы фитнес-клубта жаттығудан кейін болған. Диляраның айтуынша, үйіне қайтуға дайындалып жатқан кезде оның сөмкесінен кенет қою түтін шыға бастаған. Қыз түтінді бірден байқамаған. Ал сөмкені шешуге әрекет жасаған сәтте пауэрбанк жарылып кеткен.

Жарылыстан кейін қызды жалын шарпып, салдарынан оның басы мен қолдары қатты күйген. 

Фитнес-клуб қызметкерлері дереу көмекке ұмтылғанымен, өртті толықтай сыртқа шыққан соң ғана сөндіре алған.

Зардап шеккен блогер ауруханаға жеткізілді. Дәрігерлер оның күйіктерін ауыр деп бағалап отыр және сауығып шыққаннан кейін денесінде тыртықтар қалуы мүмкін екенін ескерткен.

Блогер қыз ауруханаға жатудан бас тартты.