Полиция Ақтауда егде жастағы адамды ұрып кеткен 4 жасты іздестіріп жатыр

Ақтауда бір топ жас егде жастағы ер адамды соққыға жықты, деп хабарлайды Politico.kz порталы Lada.kz-ке сілтеме жасап.

Құқық қорғау органдары Ақтау қаласында жастар мен егде жастағы тұрғын арасында жанжал шығып, арты төбелеске ұласқанын мәлімдеді.

Алдын ала мәлімет бойынша, оқиға 22 наурызда түнгі сағат 22:30 шамасында 7-інші шағынауданда орналасқан тұрғын үйдің маңында болған. Куәгерлердің сөзіне сүйенсек, кикілжіңге екі жігіт пен екі қыз қатысқан және қарияның өзі бірінші болып агрессия танытып, жастарға қол жұмсамақ болған.

Қақтығыс салдарынан егде жастағы тұрғын басынан жарақат алып, оқиға орнына жеткен жедел жәрдем қызметкерлері оны бірден ауруханаға алып кетті. Төбелеске қатысушылар дереу бой тасалап үлгергендіктен, қазіргі уақытта полиция қызметкерлері осы іске қатысы бар төрт күдіктінің жеке басын анықтап, іздестіру жұмыстарын жүргізіп жатыр.