Президент Тоқаев Шавкат Рахмоновты жеңісімен құттықтады

Президент Қасым-Жомарт Тоқаев UFC спортшысы Шавкат Рахмоновты ирландиялық Иан Гэрриден басым түсіп, кезекті жеңісімен құттықтады, деп хабарлайды POLITICO.KZ.

Ақорданың хабарламасында Мемлекет басшысының қазақстандық спортшының жетістігіне ризашылық білдіріп, оның жеңісін жас ұрпаққа үлгі ретінде атағаны айтылды.

"Президент Қасым-Жомарт Тоқаев ирландиялық Иан Гэрриден басым түскен Шавкат Рахмоновты UFC-дегі кезекті жеңісімен құттықтады", – делінген Ақорданың хабарламасында.

Айта кетейік, Қасым-Жомарт Тоқаев бұған дейін де Шавкат Рахмоновты жеңістерінен кейін құттықтап, салауатты өмір салтын насихаттаудағы рөлін жоғары бағалаған болатын. Рахмонов өз кезегінде Президентке қолдау көрсеткені үшін алғыс білдіріп, алдағы уақытта да ел намысын абыроймен қорғайтынын жеткізді.

Ақпарат smartnews.kz сайтынан алынған.