«Қатынның екеу болғаны жақсы»: Роза коуч тоқал алуға үгіттеген имамдарды сынға алды

Әлеуметтік желіде имамдар жиналған бір отырыста түсірілген видео тарады. Онда өзін ұстаз деп таныстырған имам екі әйел алудың жақсы екенін айтып, жұртты соған үгіттейді, деп хабарлайды POLITICO.KZ.

«Машинаның екеу болғаны жақсы, үйдің де екеу болғаны жақсы. Сол сияқты қатынның да екеу болғаны жақсы ғой», – дейді танымал имам.

Аталған видеоны белгілі коуч, психолог Роза Аширбаева бөлісті.

«Не нәрсенің екеу болғаны жақсы. Қазақстанда ерлер оны «екі әйел» деп түсінсе, қыз-келіншектер оны «екі білім» деп түсінеді. Екі білім алған жақсы. Статистикаға сүйенсек, екі бірдей дипломы бар әйелдер ерлерге қарағанда әлдеқайда көп», – дейді коуч.