«Қайрат» «Пафосқа» қарсы ойынға 10 мың билет сата алмаған

«Қайрат» – «Пафос» матчының билеттері бағасы жарияланғаннан кейін жанкүйерлер наразылық білдірді, ал сарапшылар алматылықтар маңызды кездесуді бос трибуналарда өткізуі мүмкін деп болжаған еді. Өкінішке қарай, бұл болжам расқа айналды, деп хабарлайды POLITICO.KZ.
GOAL KZ хабарлағандай, «Қайрат» матчқа арналған билеттердің небары 20 пайызын ғана сата алған, бұл шамамен 4,5 мың билетке тең. Клубта жедел шешім қабылданып, қалған билеттер тегін таратқан.
Олардың бір бөлігі ірі компанияларға берілсе, енді бір бөлігі ашық сатылымда қайта ұсынылған. Ал «Орталық» стадионының үш секторы 21 қазанда УЕФА Жастар лигасы аясында кипрліктерге қарсы ойында жеңілген клуб академиясының тәрбиеленушілеріне бөлінген.