Қазақстан банктері жаңа стандартқа өтеді: төлемдерде ақаулар болуы мүмкін

Қазақстан банктері 13 қаңтардан бастап төлемдік хабарламалардың ISO 20022 жаңа стандартына көшуді бастайды. Бұл процесс төлемдердің дәлдігі мен ашықтығын жақсартуға бағытталған, деп хабарлайды POLITICO.KZ.

Алғашында бұл көшу 2024 жылғы 12 қарашада іске асуы керек болған. Алайда Ұлттық банк нақты себептерді түсіндірместен, мерзімді кейінге шегерген. Дегенмен, елдегі бес банк дайын екенін мәлімдеген.

Fortebank банк клиенттерін 10 қаңтар сағат 17:50-ден бастап 13 қаңтар сағат 00:05-ке дейін бірқатар төлем қызметтерінің уақытша қолжетімсіз болатыны туралы хабардар етті. Бұл уақыт аралығында келесі төлемдер жүзеге асырылмайды:

• айыппұлдарды төлеу;
• салық қарыздарын өтеу;
• алдағы салықтық міндеттемелер;
• "Қазаэронавигация" қызметтеріне төлемдер.

Бұрынғы тәжірибе бойынша, Freedom Bank 2024 жылғы қараша айындағы көшу кезінде басқа банктерге теңгедегі шот нөмірі арқылы аударымдардың қолжетімсіз болатынын ескерткен еді. Сол сияқты, Jusan Bank те жаңа стандартқа көшу кезеңінде 8-11 қараша аралығында транзакциялардың кешігуі мүмкін екенін хабарлаған.

Банктер клиенттеріне маңызды төлемдерді алдын ала орындауды ұсынады.

Ақпарат CMN.KZ сайтынан алынған.