Қазақстан Лихтенштейнді 4:0 есебімен жеңді

Қазақстан құрамасы 2026 жылғы әлем чемпионатының іріктеу кезеңіндегі матчта Лихтенштейн командасын сенімді түрде ұтты, деп хабарлайды POLITICO.KZ.

Бірінші таймның өзінде-ақ біздің футболшылар айқын басымдық көрсетті. Есепті Ғалымжан Кенжебек ашып, көп ұзамай Бахтиёр Зайнутдинов айырмашылықты екі допқа жеткізді.

Екінші таймда Кенжебек дубль авторы атанды, ал кездесудің соңғы нүктесін Әлібек Қасым қойды.

Бұл жеңістен кейін Қазақстан жалпы 6 ұпай жинап, J тобында 4-орынға көтерілді. Ал Лихтенштейн бірде-бір ұпай жинай алмай, соңғы орында қалып отыр.