Қазақстандықтар Шри-Ланкадан ұшып кете алмай отыр

Алматыдағы ауа райы қазақстандықтардың Шри-Ланкадан қайтуына кедергі келтіруде

8 қаңтар Алматыдағы қолайсыз ауа райына байланысты Шри-Ланка астанасы Коломбодан Қазақстанға ұшатын Air Astana рейсі кешіктірілді, деп хабарлайды POLITICO.KZ.

Air Astana әуе компаниясының КС 168 рейсі Коломбодағы Бандаранайке халықаралық әуежайынан Алматыға ұшуы тиіс болатын. Алайда Алматы әуежайындағы қолайсыз ауа райы салдарынан рейс кем дегенде 4 сағатқа шегерілді.

Жолаушылардың айтуынша, оларға күту кезінде тамақтануға арналған ваучерлер берілген. Алайда ұшу уақытын қайта-қайта өзгертуі мүмкін екені ескертілген.

Қазіргі уақытта әуекомпания өкілдері жағдайды бақылауда ұстап отыр. Қазақстандықтар рейс туралы қосымша ақпарат күтіп отыр.

#Қазақстан