Қазақстандықтарға зейнетақы жинағына тіс емдетуге тыйым салынуы мүмкін

Қазақстанның Денсаулық сақтау министрлігі зейнетақы жинағының бір бөлігін стоматологиялық қызметтерге жұмсауға толық тыйым салуды ұсынды. Тиісті бұйрық жобасы «Ашық НҚА» порталында жарияланды, деп хабарлайды POLITICO.KZ ақпарат порталы.

Министрліктің түсіндіруінше, бұл бастамаға зейнетақы төлемдерін мақсатсыз пайдалану және алаяқтық схемалардың анықталуы себеп болған.

«Бұйрық жобасы жинақтарды мақсатсыз пайдалану жағдайларының анықталуына байланысты біржолғы зейнетақы төлемдерін стоматологиялық қызметтерге (тіс протездеу, имплантация) пайдалану нормасын алып тастауды көздейді», – делінген құжат сипаттамасында.

Бұйрық жобасы 30 қыркүйекке дейін қоғамдық талқылауда болады.