«Қазақтар таңғалдырудан жалықпайды»: қалыңдық пен күйеу жігіт тойға жердің астынан шықты (ВИДЕО)

Әлеуметтік желіде Қытайдың Шыңжаң өңіріндегі Іле-Қазақ автономиялы ауданында өткен тойдан түсірілген бейнежазба тарады, деп хабарлайды POLITICO.KZ.
Пікірлерде оқиғаның Іле қаласында болғаны нақтыланады.
Кадрдан ұлттық киім киген қалыңдық пен күйеу жігіттің залға орнатылған люктен қонақтарға әсерлі шығып келе жатқанын көруге болады. 
Жас-жұбайлар төменнен жоғарыға көтеріліп, қонақтардың алдына ерекше шықты.
Мұндай әсерлі көрініс желі қолданушылардың назарынан тыс қалмады. Пікір білдіргендер қалжыңға толы ой жазды.

«Байыған соң ресторанға парашютпен түсемін», «Тек тікұшақпен ұшып келу ғана қалды», «Қазақтарымыз таңғалдырудан жалықпайды», – деп жазды олар.