"Қиын болды": Некесіз қызымен кездескен Дархан Жолшыбеков әйелі туралы сұраққа жауап берді

Жақында ғана некесіз қызымен кездесіп, оған пәтер мен көлік сыйлаған блогер Дархан Жолшыбеков ел көкейіндегі сұраққа жауап берді. Желі жұлдызы бұл жағдайды келіншегі Дариға Нүркеева қалай қабылдағанын ашып айтты. Дархан Жолшыбеков қызымен түскен видеосын жариялаған соң, желі қолданушылары оған әйелі Daricorn туралы сұрақтарды жаудырды. Көпшілік бұл орын алған жағдайды блогердің келіншегі қалай қабылдағанын білгісі келді. "Барлығының басты сұрағы осы екен. "Дари қалай қабылдады?" деп менен сұрап жатқандар көп. Негізі ұзақ әңгіме. Бірақ қысқа-нұсқа айтып берейін. Қыз бала болғасын мұндай жағдайды қабылдау өте қиын болды. Бірақ Дари осы күнге дейін маған қолау көрсетіп, тек менің жағымда болды. Кітабымда жазамын ба, әлде роман жазу керек пе, ол жағын әлі ойланбадым. Бірақ бұрын да айтып жүрмін, қазір де қайталаймын, мені Дари секілді түсінетін адам жоқ", - деді Жолшыбеков Instagram-дағы парақшасында.