«Құдайым, көзі көрмейтін болса да, бір ұл берші»: Айнұр Тұрсынбаева тосын жазбасымен елді ойландырып қойды

Танымал айтыскер ақын Айнұр Тұрсынбаева әлеуметтік желіде ата-ана мен бала қарым-қатынасы туралы пікір білдірді, деп хабарлайды Politico.kz.

«Жақында бір әншінің сұхбатын тыңдап қалдым. Сол кезде оның әкесі бір ұлға зар болып, дұға жасапты. «Құдайым, маған көзі көрмейтін болса да, бір ұл берші» деп дұға жасап, ұл бала дүниеге келген екен. Қазір сол ер бала әнші болды, алайда көзі көрмей, емделіп жүр екен. Бұл жерде нені ұғамыз? Ата-ананың әрбір дұғасының құдыретін осыдан білсек болады», — дейді ол.

Тұрсынбаеваның сөзінше, ата-ананың баласына айтатын сөздерінде үлкен салмақ жатады.

Оқырмандар ақынның бұл пікірімен келісетіндерін жазды.