Құқық қорғау қызметкерлері қызметке тағайындалар алдында полиграфтан өтеді

Құқық қорғау органдары қызметкерлері шенді лауазымға өту үшін полиграфтан өтеді

Мұндай ұсынысты Бас прокуратура дайындаған. Құжат 14 ақпанға дейін ашық талқылауда болады.

Полиграфтан өткізу кезінде мына нәрселер сұралады:

Құқық қорғау органдарында қызмет етудегі мотивтері;
Теріс тәуелділік, психотроптық заттарды қолдануы;
Жасырын аурулар, суицидке бейімділік;
Табыс, мүлік, қос азаматтық, жалған құжаттарды пайдалану;
Жемқорлық құқық бұзушылықтарды жасау, құпия немесе қызметтік ақпаратты үшінші тұлғаларға беру фактілері;
Жемқорлық жасағаны үшін қылмыстық жауапқа тартылып/тартылмауы;
Тыйым салынған қоғамдық бірлестіктермен, қылмыстық және террористік ұйымдармен байланыс;
Лауазымдық өкілеттіктерді асыра пайдалану.

Сараптаманың жарамдылық мерзімі:

1) ҚР құқық қорғау органдарына, азаматтық қорғау органдарына, мемлекеттік фельдъегерлік қызметке қабылданғандар үшін 1 жыл;

2) ҚР құқық қорғау органдарының басшы лауазымдарына өту кезінде (аттестаттау немесе жоспардан тыс аттестаттау) 3 жыл.

Бас прокуратура полицейлер