Қылмыс әлемінің серкесі ауыр халде: қызы бас прокурорға жүгінді

Қылмыс әлемінде "Серік Голова" лақап атымен танылған тұлғаның қызы әкесінің ауыр жағдайда жазасын өтеп жатқанын мәлімдеді, деп хабарлайды ПИСЬМА ПРЕЗИДЕНТУ арнасы.

Оның айтуынша, әкесі №66 түзету мекемесінде бауыр қатерлі ісігімен күресіп жатыр және оның денсаулығы күн сайын нашарлауда.

"Әкемнің жағдайы өте ауыр. Түрме жағдайында қажетті ем қабылдай алмай отыр. Күннен күнге әлсіреп барады", – деп мәлімдеді ол.

Осыған байланысты ол Қазақстан Республикасының Бас прокурорына арнайы өтініш жасап, көмек сұрады.

Қазіргі таңда "Серік Голова" емделу мүмкіндігіне ие бола ма, жоқ па – белгісіз. Бұл мәселеге қатысты ресми органдар әзірге пікір білдірген жоқ.

Следите за нашими новостями в Google News

Подписаться