«Қызғаныштан»: Түркістанда ер адам әйелінің ішін ұстаған фельдшерді соққыға жықты

Түркістанда ер адам әйелінің ішін ұстап тексеріп көрген фельдшерді соққыға жықты, деп хабарлайды POLITICO.KZ.

Келіншек жедел жәрдемді түсік тастау қаупімен шақыртқан. Бірақ жедел жәрдем қызметкерін пациенттің күйеуі ұрып тастаған. Фельдшер соқыр ішектен күдіктеніп, аяғы ауыр келіншектің ішін ұстап тексерген екен. Бөтен еркек келіншегінің ішіне ұстағанына шамданған ер адам ашуына ерік берген. Жедел жәрдем қызметкері ауыр соққы алған, миы шайқалған.

Облыстық жедел жәрдем станциясы заңгерінің айтуынша, ұрып-соққандар фельдшерден кешірім сұраған. Ол кешірім берген.